Uly dalanyń batyrlyq beınesin nasıhattap, qazaqtyń etno-oıyndaryn dáripteý maqsatynda uıymdastyrylatyn bul dodaǵa elimizdiń ár óńirinen arnaıy iriktelgen atan jilik, apaıtós, jaýyryny qaqpaqtaı, naǵyz alyptar qatysady.
Týrnır barysynda batyrlar jeti túrli synnan ótedi. Olardyń ishinde salmaǵy 100 kelilik serkeni kóterý, 150 keli tartatyn bóreneni jelkege salyp otyryp-turý, shamamen 1 tonna júk artylǵan arbany mólsherli ýaqyt ishinde qashyqtyqqa súıreý, bilek qarymyn synap qylyshty shydamdylyqqa kóterý, 100 kelilik tasty mejeli qashyqtyqqa deıin aparý, aýyr salmaqtaǵy gir tasyn kóterý jáne uzyndyǵy 1,5 metr bolatyn temirdi moıynǵa salyp ıip maıystyrý syndy erekshe saıys túrleri bar.
«Atalǵan saıysty Astana qalasy ákimdiginiń qoldaýymen elorda tórinde úshinshi márte ótkizgeli otyrmyz. Jarystyń ashylý saltanaty 6 shilde kúni saǵat 16:00-de bastalady. Barsha ulttyq sport janashyrlary men qala turǵyndaryn osy dúbirli dodaǵa kelip, alyptarǵa qoldaý kórsetýge shaqyramyz. Kórermender úshin kirý tegin. Sonymen birge «Arǵymaq» keshenine №303, №309 jáne №323 baǵyttaryndaǵy avtobýstar qatynaıdy», deıdi jobanyń avtory ári uıymdastyrýshysy Tımýr Spataev.
